Agar jihoz shikastlangan, noto‘g‘ri ishlayotgan, qismlarga ajratilgan yoki qismlari yetishmayotgan yoki singan, jumladan, shnur yoki vilkasi shikastlangan bo‘lsa, uni ishlatmang.
Jihozni ishlatish uchun boshqaruv paneliga hech qanday o‘tkir buyumlarni qo‘llamang.
Panellarni ajratishga yoki jihozni qismlarga ajratishga urinmang.
Jihozning hech qaysi qismini ta’mirlamang yoki almashtirmang. Ushbu Foydalanuvchi qo‘llanmasida boshqacha tavsiya etilgan hollardan tashqari barcha ta’mirlash va xizmat ko‘rsatish ishlari malakali xizmat ko‘rsatish xodimlari tomonidan amalga oshirilishi kerak. Faqat ishlab chiqaruvchidan ruxsat berilgan ehtiyot qismlardan foydalaning.
Jihoz eshigi ochiq turganida uni qattiq pastga bosmang.
Jihoz ichiga uy hayvonlari yoki boshqa jonzotlarni solmang.
Qarov varaqasida ishlab chiqaruvchi tomonidan yuvib bo‘lmaydigan sifatida ko‘rsatilgan buyumlarni yuvmang.
Jihoz tagi va atrofi iplar, qog‘oz, latta-putta, kimyoviy moddalar va shu kabi yonuvchi materiallardan xoli tutilsin.
Jihoz eshigini ochiq qoldirmang. Bolalar eshikka osilishi yoki jihoz ichiga kirishi mumkin, natijada jarohat olishi yoki jihozga shikast yetkazishi mumkin.
Yonuvchan yoki portlovchi moddalar (masalan, mum, mumni tozalagich, moy, bo‘yoq, benzin, yog‘ni yo‘qotuvchi modda, kimyoviy tozalash eritmalari, kerosin, yoqilg‘i, dog‘ni ketkazgich, atseton, sabzavot yog‘i, iste’mol yog‘i, spirt va hokazolar) bilan yonuvchan moddallar bilan kirlangan matolarni solmang, yuvmang yoki quritmang. Noto‘g‘ri foydalanish oqibatida yong‘in yoki portlash sodir bo‘lishi mumkin.
Jihoz yaqinida yonuvchan yoki portlovchan moddalarni (efir, benzin, spirt, kimyoviy moddalar, suyultirilgan gaz, yonuvchan sprey, gazolin, neft, insektitsidlar, havo tozalovchi, kosmetika mahsulotlari va hok.) saqlamang yoki ulardan foydalanmang.
Jihoz ishlab turganida uning ichki qismlariga tegmang. Baraban butunlay to‘xtashini kuting.
Yuqori haroratli dastur paytida eshikka tegmang.
Jihozdan suv oqib ketayotgan hollarda elektr rozetkadan uzing va LG Electronics mijozlarni qo'llab quvvatlash markaziga murojaat qiling.
Shlangni va klapanlardagi bosimni pasaytirish va qurilmaning ishdan chiqishi yoki shlang buzilgan taqdirda oqish xavfini kamaytirish uchun suv kranini yoping. Suv ta'minoti shlanglarining holatini tekshiring: ularni ishga tushirgandan keyin 5 yil o'tgach, ularni almashtirish kerak bo'lishi mumkin.
Agar uyda gaz oqishi (izobutan, propan, tabiiy gaz va boshqalar) aniqlansa, qurilmaga yoki elektr vilkasiga tegmang va darhol xonani ventilyatsiya qiling.
Agar drenaj shlangi yoki kirish shlangi qishda muzlab qolsa, ishlatishdan oldin eriting.
Kir yuvish vositalari, yumshatgich va oqartirgichlarni bolalardan uzoqda tuting.
Ho‘l qo‘lingiz bilan elektr vilkasiga yoki jihozning tugmalariga tegmang.
Elektr kabelini haddan ortiq bukmang yoki ustiga og‘ir buyum qo‘ymang.
Yuvish vaqtida jihozdan chiqarilayotgan suvga tegmang.
Drenaj shlanglarining to‘g‘ri ishlayotganligiga ishonch hosil qiling. Ushbu tizim ishlamay qolsa, polingizni suv bosishi mumkin.
Havo harorati baland va suv harorati past bo‘lganida kondensatsiyalanish yuz berishi va shu orqali pol xo‘l bo‘lishi mumkin.
Elekr shnuri vilkasidagi kirlar yoki changlarni artib tashlang.